Најмалку четири лица повредени во вооружен напад во Шведска

Најмалку четири лица се повредени синоќа откако засега непознат напаѓач отворил оган врз случајни минувачи во шведскиот град Трелеборг.

Локалните медиуми објавија дека повредените биле веднаш хоспитализирани и започната е голема полициска акција.

– Најмалку две лица се повредени од огнено оружје, а останатите можеби имаат друг вид на повреди, истакна Фредрик Брат, портпарол на полицијата.

Полицијата потврди дека четворицата повредени се мажи, а овој случај не го поврзува со тероризам.

Првично било само потврдено дека им било јавено оти е отворен оган, а по пристигнувањето на местото на инцидентот забележале неколку повредени лица.

– Се слушнаа многу истрелани куршуми. Видовме како трчаат надвор, истакна очевидец.

Цело централно подрачје во градот е блокирано. Полицијата им дозволува приод само на амбулантни возила. на местото на нападот се наоѓаат и форензичари, како и специјални единици кои користат обучени кучиња.

 

 

 

13.10.2017 - 08:40

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа