ДПА најавија партиски конгрес: Ќе направиме се за успешен референдум

 

Актуелната политичка состојба во земјава и партиските подготовки за редовниот конгрес на почетокот од август. Ова беа главните точки на денешниот состанок на централното претседателство на ДПА што се одржа во партиското седиште во Тетово.

Како што информираше секретарот на ДПА Азем Садики партијата како дел од власта целосно го подржува договорот постигнат со Грција околу решавањето на проблемот со името на државата.

- Партски заклучок е дека ние како ДПА целосно ќе се ангажираме за спроведување на сите точки од договорот со Грција, како и за успешен референдум по тоа прашање. Цениме и дека поканата за членство во НАТО и почетокот на преговорите за членство во ЕУ следната година се многу важни и за нас како партија, но и за сите граѓани на Македонија, рече Садики.

Тој најави дека согласно одлуката на состанокот уште веднаш ќе започнат подготовките за партискиот конгрес бидејќи, како што рече, изминале четири години од последниот одржан конгрес на ДПА.

- Се договоривме некаде до почетокот на август да се спроведат Собранија на сите ограноци на ДПА за лигитимирање на досегашните партиски структури или евентуални измени на дел од кадрите за телата и органите на ДПА. По завршувањето на сите овие внатрепартиски процедури ќе го закажаме конгресот на почетокот од следниот месец, изјави Садики. 

 

 

 

21.07.2018 - 13:20

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега